«Eır Astana» Delı baǵytyndaǵy reısterin ushyrmaıtyn boldy
ALMATY. QazAqparat - «Eır Astananyń» Delı baǵytynda ushatyn barlyq reısteri 1 naýryzǵa deıin Pákistannyń áýe keńistigi jabylýyna baılanysty oryndalmaıdy. Bul týraly kompanııanyń qoǵammen baılanys deparatmentinen habarlady.
«Eır Astana» koll-ortalyǵy jolaýshylardy tasymaldaýdyń barlyq joldaryn shuǵyl túrde qarastyryp jatyr. Sonyń ishinde, fors-major jaǵdaılaryn retteıtin IATA erejelerine sáıkes jolaýshylar basqa áýe tasymaldaýshylardyń kómegimen jetkizilýi múmkin», - dedi Qoǵammen baılanys departamentindegiler.
Buǵan deıin Pákistan áýe keńistiginiń jabylýyna baılanysty Úndistanǵa reısterdiń ushyrylmaǵanyn habarlaǵan bolatynbyz. Bógelgen reıstiń jolaýshylary qazirgi kezde Pákistannyń áýe keńistiginen tys Oman koroldiginiń astanasy Mýskat áýejaıy baǵytynda attandy. Sol jerden janarmaı quıyp, beri Almatyǵa ushyp keledi. Ushaq Almatyǵy jergilikti ýaqyt boıynsha 17:22 qonady.
