«Eır Astana» dástúrli Air Transport World Awards syılyǵynyń ıegeri atandy
ASTANA. QazAqparat - Búgin AQSh-tyń bas qalasy Vashıngtonda ótken saltanatty sharada «Eır Astana» prezıdenti Pıter Foster 4300 qyzmetker atynan marapatty qabyl alyp, áýekompanııanyń 12 jylda jetken jetistigi «ǵajaıyp saıahatqa» aınalǵanyn atap ótti. Áýe ındýstrııasynyń júzdegen ókilderi aldynda sóz sóılegen «Eır Astana» basshysy jas áýekompanııanyń eńbegine joǵary baǵa berilgenin maqtan tutatynyn jetkizdi jáne qazaqstandyqtardy qoldaǵandary úshin alǵys bildirdi.
Air Transport World Awards-tyń bas redaktory Karen Ýolker kompanııanyń tapqyrlyǵyn, tabysqa umtylysyn, turaqty qarjy kórsetkishterin madaqtady. Bastapqy kapıtaly 17 mln. dollardy quraǵan Qazaqstannyń ulttyq áýe tasymaldaýshysy 2002 jyly qurylǵan. Osy ýaqytta kompanııa ortasha qoldanys ýaqyty 5 jyl bolatyn batysta óndirilgen ushaqtardan quralǵan áýe parkin jasaqtap úlgerdi.
ATW Airline Industry Achievement Awards júldesi avıatsııa salasyndaǵy eń bedeldi syılyqtardyń biri bolyp tabylady. Hıtroý áýejaıy, «Boıng» pen «Lıýftganza» da bıylǵy júldeniń laýreattary bolyp atandy.
