«Eır Astana» buzaqy jolaýshylarǵa qandaı shara qoldanatyndaryn aıtty
ALMATY. QazAqparat - «Eır Astana» áýe kompanııasy buzaqy jolaýshylarǵa qandaı shara qoldanatyndaryn aıtty, dep habarlaıdy QazAqparat tilshisi.
Áýe kompanııasy ókilderiniń aıtýynsha, ushý kezinde keıbir jolaýshylar temeki shegedi, balaǵat sóz aıtyp, ushý ınstrýktsııasyna qarsylyq bildirip, telefon paıdalanady.
Bul qylyqtardyń barlyǵy 4 deńgeıge bólinedi. Pılottardyń kabınasyna kirip barǵan adamdardyń áreketi eń úlken qaýip týǵyzyp otyr.
Bıyldyń ózinde 11 adam 2-deńgeıden joǵary sanattaǵy buzaqylyq jasaǵan. Ótken jyldary 23 adamǵa eskertý jasalǵan bolatyn.
«Bortta buzaqylyq kórsetý jolaýshylar men ekıpajdyń ómirine qaýip keltirýi múmkin. Josparlanbaǵan qonýdan áýe kompanııasyna shyǵyn kelýi yqtımal. Bort serikter ondaı qylyq kórsetken adamǵa eskertý jasap, qoımasa ákimshilik jazaǵa tartady. Tipti, ushaqty shuǵyl qondyrady», - dedi kompanııa ókilderi.
«Áýe kompanııasy qazirgi tańda destrýktıvti tártip kórsetken 23 adamdy sur tizimge engizgen. Ol adamdar taǵy qaıtalasa, kelesi joly ushaqqa qabyldamaı qoıýǵa qpqylymyz», - dedi olar.
Aıta ketý kerek, áýe kemesi komandıriniń aıtqanyn oryndamaǵan adamǵa 3 AEK esebinde aıyppul, uıaly telefon qoldanǵan adamǵa - 5 AEK, usaq buzaqylyq jasaǵan adamǵa - 10 AEK nemese 10 táýlikke qamalady.
