«Eır Astana» buzaqy jolaýshylardyń kesirinen 14 reısti toqtatýǵa májbúr bolǵan
ALMATY. QazAqparat - «Eır Astana» áýe kompanııasynyń ókilderi buzaqy jolaýshylardyń ushaqtaǵy qaýipsizdikke qanshalyqty nuqsan keltiretini týraly aıtyp berdi, dep habarlaıdy QazAqparat tilshisi.
Statıstıkaǵa súıensek jyl basynan beri jolaýshylylardyń buzaqylyq áreketterge jol berýi 140 ret tirkelgen. Al, áýe kompanııasy ashylǵaly beri 3614 adam jolaýshylardyń tynyshtyǵyn buzǵan. Álemdik standarttarmen salystyrǵanda bul óte joǵary kórsetkish.
Áýe kompanııasy ókilderiniń aıtýynsha, ushý kezinde keıbir jolaýshylar temeki shegedi, balaǵat sóz aıtyp, ushý ınstrýktsııasyna qarsylyq bildirip, telefondy paıdalanady.
«Buzaqylyq áreketteri jolaýshylar men ekıpajdyń ómirine qaýip týdyrýy múmkin. Sondaı-aq aldyn ala josparlanbaǵan qoný jaǵdaılary áýe kompanııasyn shyǵynǵa ushyratady. Bortserikter buzaqylarǵa aldymen eskertý jasaıdy, eskertýdi elemegen jaǵdaıda olar ákimshilik jazaǵa tartylady. Tipti, ushaqty shuǵyl jerge qondyrý qajet bolatyn kezder de kezdesedi», - dedi kompanııa ókili Ǵalııa Tólepbergenova.
Onyń aıtýynsha, kóbine Almaty-Tbılısı-Almaty, Almaty- Dýbaı baǵytyndaǵy reıste temeki shegetinder óte kóp bolady.
Bıyldyń ózinde 11 adam 2-deńgeıden joǵary sanattaǵy buzaqylyq jasaǵan. Ótken jyldary 23 adamǵa eskertý jasalǵan bolatyn.
«Jyl basynan beri buzaqylardyń kesirinen 14 reıs toqtatyldy. Bir reıstiń usha almaı qalýynyń saldarynan 10-200 myń dollarǵa deıin shyǵyn keledi. Óıtkeni, dittegen jerine jetpegen soń ushaq kelesi reıske keshigip shyǵady. Osynyń saldarynan ushý jospary buzylady», - dedi «Eır Astana» kompanııasynyń zań máselesi boıynsha vıtse-prezıdenti Erbol Ospanov.
«Áýe kompanııasy qazirgi tańda destrýktıvti qylyq kórsetken 23 adamdy «qara» tizimge engizgen. Ol adamdar tártip buzýyn qoımasa, kelesi joly ushaqqa qabyldamaı qoıýǵa quqylymyz», - dedi olar.
Aıta ketý kerek, áýe kemesi komandıriniń aıtqanyn oryndamaǵan adamǵa 3 AEK esebinde aıyppul, uıaly telefon qoldanǵan adamǵa - 5 AEK, usaq buzaqylyq jasaǵan adamǵa - 10 AEK nemese 10 táýlikke qamalady.
