«Eır Astana» bortynda stıýardessaǵa tıisken jolaýshy jaýapqa tartyldy
ASTANA. QazAqparat - Ushaq bortynda stıýardessaǵa tıisken reıs jolaýshysy bir táýlikke qamalady, dep habarlaıdy «QazAqparat» HAA tilshisi Astana qalasy sotyna silteme jasap.
«2016 jyly 30 jeltoqsanda «Eır Astana» áýe kemesiniń bortynda mas jolaýshy jolserik qyzǵa tıisken. Óz áreketimen quqyq buzýshy onyń ar-namysyn aıaqasty etip, aınalasyna qurmetsizdik tanytty, qoǵamdyq tártipti buzyp, ózge jolaýshylardyń mazasyn aldy», - delingen habarlamada.
Astana qalasynyń mamandandyrylǵan aýdanaralyq ákimshilik sotynyń qaýlysymen er adam QR ÁQBK 434-baby, 1-bólimi boıynsha ákimshilik jaýapkershilikke tartyldy. Oǵan 1 táýlikke qamaý túrindegi ákimshilik jaza taǵaıyndaldy.
Ázirge qaýly zańdyq kúshine engen joq.
