«Eır Astana» Bishkek áýejaıynan Sholpan-Ata qalasyna deıin jolaýshylardy tegin tasymaldaıdy
ASTANA. QazAqparat - «Eır Astana» áýe kompanııasy óz qyzmetin paıdalanatyn jolaýshylar úshin tegin tasymaldaý qyzmetin usyndy. Bul týraly áýe kompanııasynyń Feısbýk jelisindegi paraqshasynda habarlanǵan.
«Eır Astana» áýe kompanııasy 2015 jyldyń 2 shildesinen 31 tamyzyna deıin Almaty/Astana - Bishkek baǵyttaryndaǵy reısterdiń barlyq jolaýshylaryna Bishkek áýejaıynan Sholpan-Ata qalasyna deıin tegin tasymaldaý qyzmetin usynatynyn qýana habarlaıdy. Jaıly jolaýshy avtobýstary Bishkek áýejaıy men Sholpan-Ata qalasy arasynda aptasyna 4 ret qatynaıtyn bolady», delingen habarlamada. Sondaı-aq habarlamada tasymaldaý qyzmetine ótinishter josparlanǵan ushý kúnine deıin kem degende 72 saǵat buryn berilý kerektigi aıtylǵan.
