«Eır Astana» bılet qunynyń qymbattaýyna túsinik berdi
ASTANA. QazAqparat - Áleýmettik jeli qoldanýshylary mereke kúnderi qarsańynda Almaty men Astana arasynda qatynaıtyn ushaq bıletteri aspandap ketý máselesin qyzý talqylap jatyr, dep habarlaıdy «QazAqparat» HAA tilshisi.
Qazaqstandyqtar elimizdiń negizgi qos shahary arasynda ushatyn ushaq bıletteriniń baǵasyna qatysty pikirtalas týyndaǵan. Pikir bildirýshilerdiń aıtýynsha, Almaty - Astana baǵytynda ushaq bıletin qoljetimdi baǵamen alý múmkin emes.
«Bizde tarıf boıynsha ózgeris joq. EKSPO-2017 kórmesi men aldaǵy demalys kúnderine baılanysty bıletke suranys joǵary bolyp tur. Jolaýshy neǵurlym bıletti erterek satyp alsa, soǵurlym arzan baǵaǵa qol jetkize alady. Buryn da solaı bolǵan, biraq sońǵy kezde arzan bıletter EKSPO-2017 kórmesine baılanysty tym erte satylyp ketip jatyr. Josparlary kúrt ózgerip ketetindikten, adamdar eń sońǵy sátte ǵana saparǵa shyǵýǵa sheshim qabyldap jatady. Álbette, osydan keıin olar qalǵan bıletti satyp ala alady. Al bul bıletter quny qymbat», - dep túsinikteme berdi «Eır Astana» áýe kompanııasynyń baspasóz qyzmeti.
Aıta keteıik, eki apta buryn Almaty-Astana baǵytynda eki jaqqa ushý bıletin 44 226 myń teńge bolsa teń bolyp tur. Al sapar aldyndaǵy bir nemese eki kún buryn bıletti 81 136 teńgege satyp alasyz.
Aıta keterligi, eki apta buryn Almatydan Astanaǵa baryp-qaıtý bıleti 44 226 myń teńge bolsa, sapar aldynda dál sol bıletti 81 136 teńgege satyp alýǵa májbúr bolasyz.
