«Eır Astana» Azıadanyń resmı tasymaldaýshysy bolyp tanyldy
ALMATY. Qazannyń 4-i. QazAqparat /Erbol Turymbetov/ - «Eır Astana» áýe kompanııasy 7-shi Qysqy Azııa oıyndarynyń resmı tasymaldaýshysy bolyp tanyldy. Bul týraly búgin Almatyda ótken baspasóz máslıhatynda aıtyldy,
dep habarlaıdy QazAqparat.
Bundaı dárejege qol jetkizip otyrǵan «Eır Astana» Azııa oıyndary barysynda sheteldik resmı delegattar men Uıymdastyrý komıtetiniń múshelerin tasymaldaýdy mindetine alady. Sondaı-aq, poshta tasymaldary qyzmetterin de atqarady. Ózara kelisimde jarystyń ashylý, jabylý saltanattaryna qatysyp, qatysýshylar men uıymdastyrýshylar úshin Astanaǵa charterlik reıster uıymdastyrý qarastyrylǵan.
«Elimizde tuńǵysh ótkizilgeli otyrǵan aýqymdy sharaǵa Azııanyń 32 elinen 2500-den astam sportshy men 10 myńnan astam týrıster keledi dep kútip otyrmyz. Osy oraıda «Eır Astana» kompanııasy sheteldik sportshylar men qonaqtarǵa senimdi qaýipsizdik pen joǵary sapaly tasymaldaý qyzmetin kórsetedi degen senimdemiz», dedi «2011 jylǵy 7-shi Qysqy Azııa oıyndaryn Uıymdastyrý komıtetiniń atqarýshy dırektsııasy» AQ prezıdenti Anatóli Qulnazarov.
Jolaýshylardy tasymaldaý barysynda ulttyq áýe kompanııasy ushaqtary Azıadanyń logotıpterimen bezendiriledi. Sonymen qatar, ushaq bortynda Azııa oıyndarynyń baǵdarlamalary men sportshylar týraly málimetter beretin arnaıy býkletter men ekrandar qoıylady.
«Kompanııa mindetine alǵan qyzmetti joǵary deńgeıde atqara otyryp, sheteldikterge qazaq eli týraly jaqsy áser qaldyrýǵa tyrysady. Bizge senim bildirip, osyndaı mártebe syılaǵan Azıadanyń Uıymdastyrý komıtetine úlken alǵys bildiremin», dedi «Eır Astana» AQ prezıdenti Pıter Foster.
Kompanııa ókilderiniń aıtýynsha, avıatasymaldaý barysynda utys oıyndary uıymdastyrylyp, jolaýshylarǵa áýe bıletteri, Azıada oıyndaryna kirý jáne qonaqúı bıletterin utyp alý múmkindikteri jasalady.
