«Eır Astana» avıakompanııasy Qyrǵyzstanǵa áýe qatynasyn ýaqytsha toqtatty
ALMATY. Sáýirdiń 8-i. QazAqparat /Erlik Erjanuly/ - Qyrǵyz Respýblıkasyndaǵy qoǵamdyq-saıası turaqsyzdyqqa baılanysty «Eır Astana» AQ Almaty-Bishkek-Almaty baǵytyndaǵy áýe qatynasyn ýaqytsha toqtatty,
dep habarlaıdy QazAqparat kompanııanyń baspasóz qyzmetine silteme jasap.
Bul shara sáýirdiń 8-inen bastap, shamamen sáýirdiń 19-yna deıin sozylmaq. Ol jolaýshylar men áýe kemeleriniń qaýipsizdigin qamtamasyz etý maqsatynda jasalyp otyr. Kompanııa óz klıentterine aldyn-ala alynǵan «Almaty-Bishkek-Almaty» baǵytyndaǵy jol bıletterin aıyppulsyz qaıtarý nemese aýystyrý úshin ony satyp alǵan jerlerine habarlasýyn usynady. Bul úshin jazbasha ótinish pen túpnusqa bıleti bolsa jetkilikti.
