Eır Astana áýekompanııasynyń qyzmetin alǵashqy jartyjyldyqta 1,5 mıllıonnan astam jolaýshy paıdalandy
ALMATY. 9 tamyz. QazAqparat - «Eır Astana» AQ-y alǵashqy jartyjyldyqtaǵy qyzmetiniń qorytyndysyn jarııalady.
Ótken jyldyń sáıkes kezeńimen salystyrǵanda kompanııa qyzmetin paıdalanǵan jolaýshylar sany bıyl 13 paıyzǵa ósip, 1 mıllıon 524 myń 734 adamdy qurap otyr. Sondaı-aq 8515 tonna júk tasymaldandy. Bir «Boeing 757-200» men úsh «Embraer 190» ushaǵynyń kelýi jolaýshylar syıymdylyǵyn 11 paıyzǵa ulǵaıtty. Qazirgi tańda kompanııanyń áýe parkinde 26 ushaq bar.
Alǵashqy jartyjyldyqta ishki baǵytta jańadan Astana-Shymkent, Astana-Aqtaý, al halyqaralyq baǵytta Astana-Omby, Astana-Tashkent, Astana-Baký jáne Almaty-Qazan áýe marshrýttary ashyldy. Endi ekinshi jartyjyldyqta halyqaralyq baǵytta Almaty-Gonkong, Almaty - Hoshımın , Atyraý - Máskeý reıstri jáne Almaty-Beıjiń reısine qosymsha Astana-Beıjiń áýe qatynasy ashylmaq. Qarasha men 2013 jyldyń mamyr aılary aralyǵynda áýeparki tórt «Airbus A320» men eki «Airbus A32» ushaǵymen tolyǵady dep josparlanýda. Kospanııa bıyl úsh «Boeing 787 Dreamliner» jáne tórt «Boeing 767-300ER» ushaǵyna tapsyrys bergen bolatyn. Olar 2013-2017 jyldar aralyǵynda jetkizilmek.
