«Eır Astana» áýekompanııasy birinshi jartyjyldyqtaǵy nátıjelerdi jarııalady
ASTANA. 18 shilde. QazAqparat /Rýslan Ǵabbasov/ - 2010 jyldyń birinshi jartyjyldyǵymen salystyrǵanda bıyl «Eır Astana» áýekompanııasynyń jolaýshylar sany 18,7 paıyzǵa ósti.
Bul jaıynda búgin atalǵan kompanııanyń aǵymdaǵy jyldyń biringi jartyjyldyǵyna arnalǵan qorytyndysynda aıtylǵan.
«Eır Astana» ulttyq áýetasymaldaýshysy ótken jyldyń osy kezeńimen salystyrǵanda, ıaǵnı otynnyń 35%-ǵa qymbattaýyna qaramastan 2011 jyldyń birinshi jartyjyldyǵynda ósýdiń oń kórsetkishterin baıqatty. Aıta keteıik, avıakerosın óndiristik qyzmettegi shyǵyndardyń jalpy kóleminen 25% quraıdy jáne shyǵyndardyń eń iri salasy bolyp tabylady.
«Ótken jyldyń birinshi jartyjyldyǵymen salystyrǵanda jetkizilgen jolaýshylar sany 18,7% ósip, 1 355 113 adamdy qurady. Sondaı-aq jolaýshylar syıymdylyǵy 14,8% ulǵaıdy»,-delingen taratylǵan málimette.
Ústimizdegi jyly áýekompanııa alty «Embraer 190» aımaqtyq ushaqtarynan alǵashqy ekeýin alyp, Ortalyq Azııa qalalaryna ushý jıiligin kóbeıtti. Sonymen qatar «Eır Astana» Reseı Federatsııasyndaǵy Samara qalasyna, Grýzııa astanasy Tbılısıge jańa reıster ashty jáne osy jyldyń sońynda Gonkongqa jańa baǵytty ashýdy josparlap otyr.
Jaqyn arada Qazaqstan azamattyq avıatsııasynyń kóshbasshysy jańa alysmagıstraldik ushaqtaryn satyp alý boıynsha kelisimshartty jasaýdy josparlap otyr.
