«Eır Astana» áýekompanııasy «Astana-Tashkent» jańa reısin ashty
TAShKENT. 14 mamyr. QazAqparat - «Eır Astana» áýekompanııasy «Astana-Tashkent-Astana» baǵyty boıynsha jańa tikeleı reısti iske qosýda.
Birinshi reıs senbi, 2012 jyldyń 12 mamyrynda jasaldy. Atap aıtqanda, Astanaǵa Tashkentten shamamen 70 adam attandy. Ushýlar aptasyna eki ret seısenbi jáne senbi kúnderinde «Embraer-190» jabdyqtalǵan áýe kemesimen (ekonom-klasta - 88 oryn jáne bıznes-klasta - 9 oryn) júzege asyrylady.
«Eır Astana» AK-nyń Ózbekstan Respýblıkasy boıynsha aımaqtyq menedjeri Serik Rys-Uly agenttigimizdiń tilshisine bergen suhbatynda: «Áýe kompanııasy óńirlik baǵdarlyq jelini damytý boıynsha óziniń údemeli qozǵalysyn jalǵastyrýda, sonyń ishinde Ortalyq Azııada. Ózbestandyq azamattarǵa Qazaqstannyń jas elordasy Astananyń kórnekti oryndarymen tanysý, al qazaqstandyqtarǵa - ózbek halqynyń kóne tarıhy men mádenıetine qanyǵý qyzyq bolady degen oıdamyz».
Bıletterdiń quny áýejaılyq salyqtardy qosa alǵanda: Tashkentten Astanaǵa bir baǵytqa - 372 414 ózbek somyn (1 AQSh dollary - 1862 som), eki baǵytqa - ekonom-klasta 625 349 ózbek somynan bastalady, bıznes-klasta bir baǵytqa - 652 913 ózbek somynan, eki baǵytqa - 1 283 919 somynan bastalady. Ushý ýaqyty eki saǵatty quraıdy.
