«Eır Astana» áýekompanııasy Almaty-Máskeý-Almaty baǵytynda 1,35 mln. jolaýshy jáne 11 myń tonna júk tasymaldady
ALMATY. 18 qyrkúıek. QazAqparat - «Eır Astana» áýekompanııasynyń Reseı áýe tasymaly narǵyndaǵy tabysty qyzmetine 10 jyl toldy. Qazaqstannyń ulttyq áýetasymaldaýshysy 2002 jyldyń qyrkúıeginde Astana men Máskeý arasynda aptasyna 3 márte qatynaıtyn áýebaılanysty,
Almaty men Máskeý arasynda kún saıynǵy áýe reısterin ashqan edi. 2012 jylǵa qaraı ushýlar jıiligi Astana-Máskeý baǵytynda aptasyna 8 reıske deıin, al Almaty-Máskeý baǵytynda 14 reıske deıin ósti.
Búgingi tańda áýekompanııa aptasyna 9 baǵyt boıynsha 42 reıs oryndaıdy. Olar: Almaty - Máskeý, Astana - Máskeý, Almaty - Sankt-Peterbor, Astana - Novosibir, Astana - Ekaterınbor, Astana - Omby, Astana - Sankt-Peterbor, Almaty - Qazan jáne Almaty - Samara baǵytynda jasalady. Onyń sońǵy úsheýi aǵymdaǵy jyly ashyldy.
Kompanııanyń baspasóz qyzmetiniń habarlaýynsha, 10 jyl ishinde Almaty-Máskeý-Almaty baǵytynda ǵana 1,35 mln. jolaýshy jáne 11 myń tonna júk tasymaldandy. Al Astana-Máskeý-Astana baǵytynda 450 myńǵa jýyq adam, 2 tonna júk tasymaldandy.
