«Eır Astana» áýe kompanııasynyń jolaýshylary elordadan Almatyǵa jáne Beıjińge ushyp shyǵa almady
ASTANA. 27 aqpan. QazAqparat- 26 aqpan kúni «Eır Astana» áýe kompanııasy №852 reısiniń jolaýshylary Astanadan Almatyǵa usha almady.
Reıstiń oryndalmaýynyń sebebi mynadaı: sapardy oryndaýy tıis ushaq tehnıkalyq sebepterge baılanysty Almatydan elordalyq áýejaıǵa kelmeı qaldy. Beıjińge ushý úshin Almatydan áýe kemesine qaıta otyrýy tıis bolǵan 26 jolaýshy elordadan ushyp shyǵa almaı qaldy. Oryndalmaǵan reıs jolaýshylarynyń aıtýynsha, stýdentter sabaqtaryna keshikti, isker adamdardyń birqatar mańyzdy qujattarǵa qol qoıýy josparlanǵan is-saparlary bolmaı qaldy.
