«Eır Astana» áýe kompanııasynyń jolaýshylar legi 2015 jyly 2 paıyzǵa ósti

2015 jyly áýe kompanııasynyń taza paıdasy (aýdıtorlardyń áli tekserýinen ótpegen) 47,4 mln. dollardy qurap, 2014 jylmen salystyrǵanda - 144 paıyzǵa ósti.

«Tabystyń azaıǵany shyǵyndardy eleýli túrde qysqartýdyń arqasynda óteldi. Sondaı-aq, janarmaıdy da únemdep jatyrmyz. Jergilikti jáne óńirlik naryqta oryn alǵan kúrdeli jaǵdaıǵa qaramastan, biz alyp júrý syıymdylyǵyn keńeıtip, Parıj, Seýl jáne Tbılısı qalalaryna qaraı jańa baǵyttar ashtyq», - dedi «Eır Astana» áýe kompanııasynyń prezıdenti Pıter Foster.

Ol sonymen qatar, 2015 jyl - «Eır Astana» úshin tabysty jyl bolǵanyn jetkizdi. ıAǵnı, kompanııa osymen 13-shi jyldy tabyspen aıaqtap otyr. Al 2016 jylǵa qatysty, P. Foster áýe tasymaly naryǵynyń áli de bolsa osal kúıde bolatyndyǵyn aıtty.

«Shıkizat taýary naryǵyndaǵy álsiz valıýta men qubylmalylyq jaǵdaılar aldymyzǵa kúrdeli mindetter qoıyp otyr. Biz 2016 jyldan úlken tabystar kútpeımiz, biraq áýe kompanııalary ishinde áelem boıynsha menshikti shyǵyndarymyzdyń eń tómen deńgeılerdiń birinde ekendigin eskerse otyryp, naryqtaǵy qolaıly jaǵdaıdy paıdalanyp, joǵary dárejege kóterilemiz degen úmittemiz. Biz bıyl Tegeran jáne Ulan-Bator qalalaryna qaraı jańa baǵytty ashýdy jáne jyl ortasynda Airbus 320 NEO ushaǵyn alýdy josparlap otyrmyz. Sondaı-aq, 2016 jyly biz kompanııanyń damý strategııasyna sáıkes, óz qyzmetimizdi jalǵastyramyz. Jáne ekonomıkalyq jaǵdaıdyń jaqsarýyn kútemiz. 2017 jyly jaǵdaı jaqsara bastaıdy degen senimdemiz», - dedi P . Foster.