«Eır Astana» áýe kompanııasynyń turaqty jolaýshylary Radisson qonaq úılerinde tegin turaqtaı alady
ALMATY. QazAqparat - «Eır Astana» áýe kompanııasynyń turaqty jolaýshylary Radisson brendiniń álemniń 400-den asa qonaq úıinde tegin turaqtaýǵa múmkindik alady. Bul týraly Eır Astana» kompanııa¬synyń qoǵammen baılanys jónindegi bóliminiń úılestirýshisi Tilek Ábdirahymov habarlady.
Álemdegi iri Carlson Rezidor Hotel Group qonaq úı kompanııasy men ulttyq áýe tasymaldaýshy kompanııa ózara yntymaqtastyq týraly kelisimge keldi. Endigi kezekte áýe kompanııasynyń Nomad Club baǵdarlamasy boıynsha jıi ushatyn jolaýshylar bonýstyq bal jınap, Eýropa, Taıaý Shyǵys pen Afrıkadaǵy Radisson, Radisson Blu men Park Inn by Radisson qonaq úılerinde tegin turaqtaı alady. Ol úshin jolaýshylar Nomad Club baǵdarlamasyna tirkelýi qajet. Al sáıkesinshe Radisson, Radisson Blu men Park Inn by Radisson qonaq úıleriniń turaqty meımandary 500, 250 bonýstyq bal jınap, «Eır Astana» kompanııasynan tegin bılet alýǵa bolmasa, qyzmet kórsetý klasyn joǵarylatýǵa múmkindik alady. «Biz TMD-daǵy iri áýe tasymaldylaýshylardyń biri - «Eır Astana» kompanııasy Carlson Rezidor kompanııasynyń serktesteriniń birine aınalǵanyna óte qýanyshtymyz. Biz turaqty meımandarymyz ben jolaýshylarymyzǵa iskerlik saparyn uıymdastyrýdy basqasha qyrynan kórsetýge tyrysamyz», - dedi Rezidor kompanııasynyń Shyǵys Eýropa aımaqtyq vıtse-prezıdenti Tom Flanagan.
