«Eır Astana» áýe kompanııasynyń qyzmetkerleri 8 saǵattyq beldeýde daýys berýde

Kompanııanyń Seýlde júrgen qyzmetkerleri alǵashqylardyń qatarynda daýys berdi, ondaǵy saılaý ýchaskesi Astana ýaqyty boıynsha saǵat 04:00-de ashylǵan. Budan keıin «Eır Astana» qyzmetkerleri ózderiniń konstıtýtsııalyq quqyqtaryn Beıjińde jáne Kýala-Lýmpýrda, al saǵat tańǵy 6:00-de Bangkokta júzege asyrdy.

Ár túrli saǵattyq beldeý bolǵan soń Ábý-Dabıde daýys berý Astana ýaqyty boıynsha saǵat 09:00-de, Ystambulda saǵat 10:00-den keıin ótti. Odan keıin áýe kompanııasynyń qyzmetkerleri saǵat 11.00-de Frankfýrt, Parıj jáne Amsterdam qalalarynda daýys berdi. Sońǵylardyń biri bolyp ózderiniń azamattyq paryzdaryn Londonda júrgen qyzmetkerler óteıdi, ondaǵy saılaý ýchaskeleri Astana ýaqyty boıynsha saǵat 12:00-de ǵana ashyldy.