«Eır Astana» áýe kompanııasynda 12 reıs toqtatyldy
ALMATY.QazAqparat - Áýe kemesiniń synýyna baılanysty «Eır Astana» avıakompanııasy ishki jáne halyqaralyq qatynastaǵy 12 reısti toqtatty. Bul týraly áýe kompanııasynyń resmı paraqshasynda málim boldy, dep habarlaıdy QazAqparat tilshisi.
«Óndiristik qajettilikterge baılanysty Almaty jáne Astana áýejaılarynda birqatar reıs toqtatylýy nemese keshiktirilýi múmkin»,-delingen jazbada.
Astana áýejaıy baspasózinen bas qaladaǵy jaǵdaıdyń qalypty ekenin, shtattyq rejimde jumys istep jatqandaryn aıtty. Másele áýe tasymaldaýshylarda týyndaǵan bolýy múmkin.
«Búgin, 23 shilde kúni tehnıkalyq sebepterge baılanysty Almaty - Astana - Almaty baǵytyndaǵy 3 reıs toqtatyldy. Almaty áýejaıynda Beıjiń, Dýbaı, Aqtóbe, Astana, Shymkent jáne keri baǵytyndaǵy reıster keshiktiriledi. Astana áýejaıynda Oral, Óskemen, Omby jáne Sankt-Peterbýrg baǵytyndaǵy reıster ýaqytynan kesh ushady. Erteń Astanadan Qostanaı men Shymkentke baǵyt alatyn reıstiń keshiktirilýi múmkin. Áýe kompanııasy týyndaǵan qolaısyzdyqtar úshin keshirim suraıdy»,-dedi baspasóz qyzmetinen.
Kompanııadan málim etkendeı, reısterdiń toqtatylýy áýe kemeleri qyzmetindegi qateliktermen baılanysty. Qazirgi tańda kemshiliktermen jumys júrgizilip jatyr .
Toqtatatylǵan nemese basqa ýaqytta aýystyrylǵan reısterdiń tizimin kompanııanyń resmı paraqshasynan kóreýge bolady.
