«Eır Astana» áýe kompanııasy London - Astana, Astana - London baǵytyndaǵy reıster sanyn ulǵaıtady
ASTANA. QazAqparat - «Eır Astana» áýe kompanııasynyń aqparatyna sáıkes, 2016 jylǵy 2 maýsymnan bastap áýe kompanııasy London - Astana, Astana - London baǵytynda jasalatyn apta saıynǵy reısteriniń sanyn tórtke deıin kóbeıtýdi josparlap otyr.
Bul týraly Qazaqstannyń Ulybrıtanııadaǵy Elshiligi habarlady.
Qazaqstanǵa aptasyna úsh ret oryndalatyn reısterge qosymsha «Eır Astana» áýe kompanııasynyń «Boıng 757» laıneri London qalasynyń «Hıtroý» áýejaıynan Qazaqstan astanasyna dúısenbi kúnderi attanady.
Qazirgi tańda, «Eır Astana» reısteri Qazaqstanǵa aptasyna úsh ret: seısenbi, beısenbi jáne senbi kúnderi ushady.
