«Eır Astana» áýe kompanııasy eki Embraer 190 avıalaınerin satyp alý týraly kelisimge qol qoıdy

Sonymen qatar kelisim bul úlgidegi qosymsha eki avıalaınerin satyp alýǵa optsıondy qamtıdy. Sharttyń jalpy baǵasy praıs-lıstke sáıkes 85,6 mıllıon dollardy quraıdy jáne 2011 jyldyń qańtaryndaǵy ekonomıkalyq jaǵdaıǵa negizdeledi. Eger áýe kompanııasy optsıondardy alsa, onda kelisimshart baǵasy 171,2 mıllıon dollarǵa deıin ósýi múmkin. Áýe kompanııasynyń jeke ushaqtar jetkizilimi 2012 jyldyń birinshi jartysynda bastalady.

Embraer 190 ushaqtaryn satyp alýymen áýe kompanııasynyń jeke ushaqtar sany 2013 jylǵa deıin 8 danaǵa jetedi. 2008 jyly «Eır Astana» «Eırbas» kontsernimen Airbus A320 alty jańa ushaǵyn satyp alý týraly kelisimge qol qoıdy. Olardyń jetkizilimi 2012-2013 jyldary iske asyrylady. Ushaqtar qarjylandyrýy «Eır Astana» áýe kompanııasymen ózdiginen, memlekettik bıýdjetten qarjyny jáne memlekettik kepildemelerdi tartýsyz uıymdastyrylady. Menshikti avıalaınerlerdi satyp alý 2020 jylǵa qaraı áýe kompanııasynyń avıaparkin 43 ushaqqa deıin keńeıtý boıynsha baǵdarlamasynyń bóligi bolady.

«Biz Embraer 190 avıalaınerlerin paıdalanýdy bastalǵannan keıin «Eır Astana» óz avıaparkin E-Jet tobynyń ushaqtarymen keńeıtip jatqanyna qýanyshtymyz, - dep túsindiredi Embraer kompanııasynyń kommertsııalyq avıatsııa bólimshesiniń prezıdenti Paýlo Tsezar de Soýza e Sılva. - Ortalyq Azııa naryǵynda damýdyń úlken áleýeti bar jáne biz «Eır Astana» áýe kompanııasyna ishki jáne aımaqtyq baǵyttyq jelisin (Ortalyq Azııa jáne TMD keńistiginde) damytý úshin Embraer 190 avıalaınerlerin tańdaǵany úshin rızashylyǵymyzdy bildiremiz».

Qazirgi tańda «Eır Astana» áýe kompanııasy Jetscape Inc kompanııasymen lızıng kelisimine sáıkes eki Embraer 190 avıalaınerlerin paıdalanady jáne taǵy ekeýin Air Lease Corp kompanııasymen lızıng kelisimine sáıkes 2011 jáne 2012 jyldary almaqshy. Eki menshikti avıalaınermen birge «Eır Astana» áýe kompanııasynyń Embraer 190 avıaparki 6 ushaqty quraıdy.

«Eır Astana» jolaýshylarǵa ushýdy jaıly qylýǵa múmkindik beretin sıpattarǵa tán avıalaınerlermen flotty jańartý strategııasyn ustanady, - deıdi «Eır Astana» AQ prezıdenti Pıter Foster. - Embraer 190 ushý qashyqtyǵy, tıimdiligi men mólsherleri keıbir baǵyttarda ushýlardyń joǵary jıiligimen áýe tasymaldardy damytýǵa jáne Ortalyq Azııada, ásirese, Ózbekstanǵa, Tájikstanǵa, Qyrǵyzstanǵa, Reseıdiń ońtústigine jáne Grýzııaǵa baǵyttardy oryndaýǵa óte qolaıly».