«Eır Astana» áýe kompanııasynyń aktsııalary IPO-ǵa shyǵarylmaq

«Eır Astana» aktsıonerlik qoǵamy bastapqy jarııa ornalastyrýdy (IPO) ótkizý múmkindigin qarastyrmaq, dep habarlaıdy Kazinform. 

Tıisti habarlama áýe kompanııasynyń saıtynda jarııalandy. 

Eger «Eır Astana» ǵalamdyq ornalastyrýdy jáne jergilikti ornalastyrýdy ótkizý týraly sheshim qabyldasa, onda BAE Systems (Kazakhstan) Limited («BAE») jáne «Samuryq-Qazyna» Ulttyq ál-aýqat qory» («SK») aktsıonerlik qoǵamyna tıesili aktsııalar men ǴDQ, sondaı-aq kompanııanyń qaıtadan shyǵarylǵan aktsııalary jáne ǴDQ satylymǵa shyǵarylady. 

Kompanııa KASE «Negizgi» alańynyń «Aktsııalar» sektorynyń «Premıým»
sanatyna aktsııalardy jiberýge ótinim berdi jáne KASE saýda-sattyǵyna ótinim beredi.