«Eır Astana» Astana-Dýbaı reısin qaıta ashady
ASTANA. QazAqparat - Aǵymdaǵy jyldyń 25 qazanynan «Eır Astana» AQ Astana-Dýbaı baǵytyndaǵy reısti qaıta ashady, dep habarlady áýe kompanııasynyń baspasóz qyzmetinen.
Astana-Dýbaı baǵytyndaǵy turaqty reıs aptasyna tórt ret - dúısenbi, seısenbi, juma jáne jeksenbi kúnderi jaıly Airbus 320 ushaǵy arqyly júzege asyrylady. Bul reıs Qazaqstan astanasyn Dýbaımen baılanystyryp qana qoımaı, sonymen qatar Qostanaı, Pavlodar, Óskemen aımaqtarynyń turǵyndaryna saıahattaýǵa qolaıly jaǵdaı jasaıdy. Sonymen qatar Úrimji, Omby jáne Bishkekten ushý úshin qolaıly toǵysýlar usynylady.
«Eır Astana» bıyl Astanadan Parıj, Seýl, Tbılısı qalalaryna tikeleı reıster ashty. Astana-Dýbaı tikeleı reısi de elorda turǵyndarynyń saıahatyn qolaıly etetinine senemiz», - dedi áýe kompanııasynyń prezıdenti Pıter Foster.
