«Eır Astana» Almaty-Aqtaý baǵytyndaǵy ushaqtyń áýejaıǵa qaıta qoný sebebin túsindirdi
ALMATY. QazAqparat - «Eır Astana» áýe kompanııasy Almatydan Aqtaýǵa ushyp shyǵyp, qaıtyp oralǵan Airbus A320neo ushaǵy týraly aqparat berdi, dep habarlaıdy QazAqparat tilshisi.
25 sáýir kúni Almaty-Aqtaý baǵytyndaǵy KS 857 reısin oryndaǵan Airbus A320neo ushaǵy áýejaıǵa qaıtyp qondy.
«Áýejaıǵa qaıta qoný týraly sheshim halyqaralyq qaýipsizdik protsedýralaryna sáıkes qabyldandy. Qoný shtattyq rejimde júzege asyryldy. Qazirgi ýaqytta áýe kompanııasy ushaqqa tolyq tehnıkalyq baqylaý júrgizip, qajetti sharalardy atqaryp jatyr. Jolaýshylar basqa ushaqpen saparyn jalǵastyra alady. Qaýipsizdik - áýe kompanııasynyń basty maqsaty», - dep habarlady «Eır Astana» AQ-nyń korporatıvti baılanys departamentinen.
ÁK-nyń habarlaýynsha, ushaqtyń qaıta áýejaıǵa oralýyna ushaq qozǵaltqyshynyń maı deńgeıin kórsetetin júıeniń isten shyǵýy sebep bolǵan.
