«Eır Astana» AQ-nyń 2013 jylǵy kirisi 144 mlrd. teńge boldy - «Samuryq-Qazyna» AQ basqarýshy dırektory

ASTANA. 28 qarasha. QazAqparat - «Eır Astana» AQ-nyń 2013 jylǵy kirisi 143,8 mlrd. teńge bolyp, ótken jylmen salystyrǵanda 10 paıyzǵa ósken. Bul týraly búgin Astanada ótken baspasóz máslıhatynda «Samuryq-Qazyna» AQ basqarýshy dırektory Nurjan Baıdáýletov aıtty.

Onyń málimetinshe, sonymen qatar, áýe kompanııasynyń 2012 jylǵy taza tabysy 9,1 mlrd. teńge bolsa, 2013 jyly 7,5 mlrd. teńgeni quraǵan.

«Kórsetkishtiń 18 paıyzǵa tómendeýi kiris ósiminiń kemýi men kompanııa menshigine 6 áýe kemesin satyp alý kezindegi shyǵynnyń ósýine baılanysty bolyp otyr», - dep atap ótti N. Baıdáýletov.

Onyń atap ótýinshe, «Eır Astana» AQ 2002 jyly óz qyzmetin bastaǵan ýaqytta kirisi 3,6 mlrd. teńge, taza shyǵyny 769 mln. teńge bolǵan.