«Eır Astana» Airbus A320neo ushaqtarynyń jetkizilýi boıynsha kelisimshartqa qol qoıdy
ALMATY. QazAqparat - Qazaqstannyń basty tasymaldaýshysy - «Eır Astana» AQ alys uzaqtyqqa ushatyn A321neo LR áýe kemelerin satyp alýǵa alǵashqylarynyń biri bolyp tapsyrys berdi, dep habarlaıdy áýe kompanııasynyń baspasóz qyzmetinen.
Eki A320neo, bir A321neo jáne tórt A321 neo LR turatyn Airbus A320neo jeti áýe kemesin jetkizý kelisimshartyna Le-Býrjede qol qoıylǵan. Jańa ushaqtar Air Lease Corporation (AQSh) kompanııasynan operatsııalyq lızıngke alynady. A320neo ushaǵynyń bireýin 2016 jyldyń kókteminde jetkizý josparlanǵan, qalǵandary 2018 jáne 2019 jyldary kelip jetedi.
A320neo áýe kemeleri ishki baǵdarly jeli jáne halyqaralyq baǵyttarmen Qytaı, Úndistan jáne BAÁ-ne ushatyn bolady. Budan basqa, A321neo LR kemesi alys reıster, sonyń ishinde Astanadan Londonǵa jáne Almatydan Bangkok, Hoshımın jáne Gonkong reısterin oryndaýy yqtımal.
«A320neo ushaqtarynyń jańa býynynda, ásirese Azııadan Eýropaǵa alys reısterdi oryndaýda jaıly, tıimdi jáne operatsııalyq múmkindikterinde aıtarlyqtaı ózgerister bar», - dep atap ótti «Eır Astana» AQ-nyń prezıdenti Pıter Foster.
