Eınshteınniń mıy 9,99 dollardan satylady
ASTANA. 28 qyrkúıek. QazAqparat - Chıkagodaǵy Medıtsına jáne densaýlyq saqtaý ulttyq murajaıy iPad-tyń Albert Eınshteın mıynyń sýretterimen tanystyratyn qosymshasyn oılap tapty.
Ǵulama mıynyń keskinderine úńilý úshin tutynýshylar 9,99 dollar tóleýi tıis. Bul týraly «Alash aınasy» gazeti jazady.
Associated Press-tiń habarlaýynsha, arnaıy qosymshaǵa 1955 jyly patologoanatom Tomas Harvı túsirgen 350 fotosýret ornalastyrylǵan. Áýelde Harvı mıdy 250 bólikke bólip túsirgen eken. Keıin organ Prınston ýnıversıtetiniń zertteýshilerine berilgen. Eınshteın mıynyń bir artyqshylyǵy bar: onyń tóbe tustaǵy bóligi ózge adamdardikine qaraǵanda edáýir úlken. Endi osy jáne basqa da erekshelikterdi iPad-tyń kez kelgen tutynýshysy tamashalaı alady. Medıtsına jáne densaýlyq saqtaý ulttyq murajaıynyń keńesshisi Stıv Landerstiń aıtýynsha, bul baǵdarlamanyń arqasynda túrli jańalyqtar ashylýy múmkin.
