Eınshteınniń baqyt retseptisi 1,56 mln dollarǵa satyldy
ASTANA. QazAqparat - Belgili ǵalym Albert Eınshteınniń baqytty ómirge jetý joldary jaıyndaǵy jazbasy Ierýsalımdegi aýktsıonda 1,56 mln dollarǵa satyldy.
Ol jazbany Eınshteıin 1922 jyly Tokıo qonaqúıleriniń birinde shaıpul ornyna meımanhana qyzmetshisine beredi. Nobel syılyǵy berilgeni jaıynda jańa ǵana habar taýyp otyrǵan ǵalym qyzmetshige qaǵazdy usyna otyryp, bul qaǵazdar adamǵa aqshadan góri áldeqaıda kóp dáýlet ákeletinin aıtady.
Salystyrmaly teorııasynyń avtory bergen qaǵazǵa nemis tilinde únemi tabystyń artynan qýý men taǵatsyzdyqqa qaraǵanda jaıbaraqat ári sypaıy ómir kóbirek baqyt ákeletini jazylǵan.
Erik-jiger bar jerde amal da bolatyny jazylǵan ekinshi bir jazba 240 myń dollarǵa satyldy. «Vınner» bássaýda úıiniń ókiliniń aıtýynsha, jazbalardyń birin esimi jarııalaýdy qalamaıtyn eýropalyq satyp alǵan.
Bul jazbalardy aýktsıonǵa sol baqytty qonaqúı qyzmetshisiniń týysy shyǵarǵan, dep habarlaıdy BBC.
