Eıfel munarasynyń baspaldaǵy 169 myń eýroǵa satyldy
ASTANA. QazAqparat - Eıfel munarasy baspaldaǵynyń bir bóligi Parıjdegi aýktsıonda 169 myń eýroǵa satyldy. Lotany Taıaý Shyǵystan kelgen belgisiz kollektsıoner ıelendi, dep habarlaıdy BFMTV telearnasy.
Saýda-sattyq seısenbi, 27 qarashada Parıjdegi Artcurial aýktsıon úıinde ótken. Satylǵan fragmenttiń bıiktigi 4,3 metrdi, salmaǵy - 900 kelini quraıdy. Shıyrshyqty baspaldaqtyń bul bóligi 1889 jyly Eıfel munarasynyń ekinshi jáne úshinshi qabatyn jalǵastyryp turǵan.
Lotanyń bastapqy quny 40-50 myń eýrony quraǵan. Taıaý Shyǵystan kelgen kollektsıoner ony saýda bastalǵan soń birneshe mınýt ótkende satyp alǵan, dep naqtylaıdy telearna.
1889 jyly Gýstav Eıfel jasaǵan baspaldaq 1983 jyly demontajdalǵan.
