Eıfel munarasy Jańa Zelandııadaǵy shabýyl qurbandaryn eske alý úshin jaryǵyn sóndiredi
ASTANA. QazAqparat - Eıfel munarasy Jańa Zelandııa meshitterindegi shabýyldan qaza tapqandardy eske alý úshin jaryǵyn sóndiretin bolady. Bul jaıly juma kúni frantsýz astanasynyń meri Ann Idalgo Twitter-degi paraqshasynda málim etti, dep habarlaıdy QazAqparat.
«Osy shabýyl saldarynan qaza tapqandardy eske alý úshin Eıfel munarasynyń jaryǵyn juma kúni túnde sóndiremiz», - dedi ol. Idalgo sondaı-aq Jańa Zelandııa men Kraıscherch turǵyndaryna barlyq parıjdikter atynan kóńil aıtty.
Juma kúni qarýlanǵan top jańazelandııalyq Kraıscherchtegi Al-Nýr jáne Lınvýd meshitterine basa kókteı kirip, sol ýaqytta meshitte bolǵan júzdegen adamdarǵa oq atqan. Lańkestik saldarynan sońǵy málimetter boıynsha 49 adam qaza taýyp, jaraqat alǵan ondaǵan adam aýrýhanaǵa jetkizilgen. Shabýylǵa aıyptalǵan úsh adam tutqyndaldy.
