Eıfel munarasy qyzmetshilerdiń ereýili saldarynan eki kúnge jabyldy
ASTANA. QazAqparat - Frantsııadaǵy kórikti jerlerdiń biri sanalatyn Eıfel munarasy qyzmetshilerdiń ereýili saldarynan ýaqytsha jumys jasamaı tur.
«Ereýil saldarynan Eıfel munarasy seısenbi, sársenbi kúnderi kúni boıy jabyq bolady», - dep jazylǵan munara saıtynda.
Keshe ǵana ǵımarattyń kompanııa-operatory Eıfel munarasyna kire almaǵan kelýshilerden keshirim suraıtyndary jaıly málimdeme jarııalaǵan edi.
«Ereýildiń basty sebebi - munaranyń qyzmet kórsetý mamandarynyń jalaqylaryna qatysty», dep kórsetilgen málimdemede.
