Eıfel munarasy Beırýttaǵy jarylys qurbandaryn eske alý úshin túnde jaryqtaryn óshirdi
PARIJ. QazAqparat – Parıjdiń basty kórkem oryndarynyń biri – Eıfel munarasy Lıvan astanasy Beırýttaǵy joıqyn jarylys qurbandaryn eske alý úshin tún ortasynda jaryǵyn sóndirdi, dep habarlaıdy QazAqparat News18.com-ǵa silteme jasap.
Beısenbi kúni túnde Eıfel munarasy Beırýttaǵy joıqyn jarylystyń 135 qurbanyn eske alý úshin bir saǵat jaryqsyz turdy. Munaranyń resmı saıtynda mynadaı habarlama jarııalandy: «Beırýt turǵyndary men Lıvan azamattaryna tilektestikpen tún ortasynda jaryǵymdy sóndiremin».
Reuters málimetinshe, jarylys saldarynan júzden astap adam qaza tapqan. Solardyń arasynda frantsýz sáýletshisi Jan-Mark Bonfıs te bolǵan. Al, jaraqat alǵan 4 myń adamnyń ishinde Frantsııanyń 24 azamaty bar. Frantsııa jarylys kezinde zardap shekkenderge birneshe júz myń eýro bólip, birneshe ushaqpen gýmanıtarlyq kómek jiberedi. Budan bólek, Frantsııa prezıdenti Emmanıýel Makron Beırýtqa barady dep josparlanyp otyr.
Eıfel munarasynan bólek, Dýbaıdaǵy Býrj-Halıfa kóp qabatty úıi de Lıvan týynyń túsine bólenip, qurbandardy eske aldy. Sondaı-aq, Lıvan jalaýy Mysyrdaǵy Gıza pıramıdalarynda da paıda boldy.
Eske sala keteıik, 4 tamyzda Lıvannyń áskerı-teńiz kúshteri (ÁTK) bazasyna jaqyn Beırýt porty aýmaǵynda joıqyn jarylys boldy. Jarylys saldarynan Qazaqstannyń SІM Lıvandaǵy Qazaqstannyń dıplomatııalyq mıssııasy ǵımaratyna zaqym kelgen. Jarylys kezinde dıplomatııalyq mıssııanyń qyzmetkerleri jumys kúni aıaqtalǵannan keıin keńseden ketip qalǵan. Konsýl jumysta bolǵandyqtan jarylys tolqyny kezinde jeńil jaraqat aldy. QR Prezıdenti Qasym-Jomart Toqaev Lıvan Prezıdenti Mıshel Aýnmen telefon arqyly sóılesýi barysynda Lıvandaǵy qazaqstandyqtardyń qaýipsizdigin qamtamasyz etý jóninde ótinish bildirgen edi.
5 tamyz kúni jarylystyń neden shyqqany anyqtaldy. Bılik málimdemesine sáıkes, ammonıı nıtratynyń úlken partııasy (ammıak selıtrasy dep te atalaıdy) portta uzaq ýaqyt saqtalyp, qaýipsizdik talaptary saqtalmaǵan.
Sońǵy málimet boıynsha Beırýttaǵy jarylystan 137 adam qaza tapqan.
