Eıfel munarasynyń bir bólshegi satylymǵa shyǵaryldy
ASTANA. KAZINFORM — Jýyrda ǵana qalpyna keltirilgen sırek kezdesetin bólshektiń bıiktigi — 2,5 metr. Biregeı buıym kollektsıonerler men sáýletshilerdiń qolyna túsýi múmkin.
Parıjde aýktsıonda Eıfel munarasynyń 1889 jyly Gıýstav Eıfeldiń jetekshiligimen salynǵan túpnusqa shıyrshyq baspaldaqtyń bir bóligi satylymǵa shyǵarylady. Bul bólshek kezinde munaranyń ekinshi jáne úshinshi deńgeıin jalǵap turǵan, ıaǵnı Frantsııanyń basty sımvolyna alǵashqy kelýshiler dál osy baspaldaqpen joǵary kóterilgen.
Lottyń baǵasy — 40–50 myń eýro. Qurylymnyń bıiktigi shamamen 2,7 metr, ishinde 14 metall baspaldaq bar. Baspaldaq 1983 jyly bólshektelip, 24 bólikke bólingen. Olar qazir álemniń túrli mýzeıleri men jeke kollektsııalarynda saqtaýly.
Qazirgi ýaqytta 14 metrlik bir fragment munaranyń birinshi deńgeıinde ornalasqan, al qalǵandaryn Orse, La-Vıllett jáne Parıjdegi temir mýzeıinen kórýge bolady. Qalǵan 20 bóligi satylyp ketken, bul bólshekter álemniń ár túkpirinde — Dısneılendten bastap ıAmanası prefektýrasyndaǵy japon baqtarynda ornalasqan.
Saýdaǵa shyǵarylǵan sırek bólik 2,5 metr bıiktikte jáne jaqynda qalpyna keltirilgen — 40 jyldan astam ýaqyt jeke kollektsııada bolǵannan keıin oǵan bastapqy qońyr túsi qaıta berildi.
Eske sala keteıik, sırek kezdesetin Pokemon kartasy Nıý-Djersıdegi aýktsıonda satyp alýshynyń aqysyn qosqanda rekordtyq 16,49 mıllıon dollarǵa satyldy.