EYDU jasandy uıaly telefondar sanyn eseptedi
ASTANA. QazAqparat - Álemdegi árbir besinshi uıaly telefon men vıdeoıyndarǵa arnalǵan árbir tórtinshi konsol jasandy bolyp shyqty, dep habarlaıdy Bı-bı-sı Ekonomıkalyq yntymaqtastyq jáne damý uıymyna silteme jasap.
Uıym jasandy aqparattyq-kommýnıkatsııalyq qurylǵylar saýdasyna arnalǵan baıandama jarııalady.
Baıandamaǵa sáıkes, 2013 jylǵy shekaralyq derekterge jasalǵan saraptama boıynsha, jalpy álemdik saýdanyń 6,5%-y jasandy tehnıkalarǵa tıesili. Al, 2016 jylǵy derek boıynsha, basqa naryqtardaǵy jasandy zattardyń úlesi 2,5%-dy quraıdy.
EYDU jasandy kommýnıkatsııalyq tehnıkalar saýdasynyń jalpy kólemin 143 mlrd dollarǵa baǵalady. Onyń úshten eki bóligi poshta men ekspress jetkizý arqyly júrgiziletindikten, ony anyqtaý qıynǵa túsedi.
Uıaly telefondar men oıyn qosymshalarynan bólek, jad kartalary, adapterler men basqa da aksessýarlar jıi jasalynady. Basqarma pýlti, noýtbýktar, kompıýterler men planshetter oǵan qaraǵanda sırek shyǵarylýda.
