EYDU sarapshylary elimizdiń ortalyq memlekettik organdarynyń basshylyq býyny úshin semınar ótkizýde
«Memlekettik basqarý akademııasy men EYDU birlesip, semınar ótkizýde. Shara memlekettik organdardyń qyzmetine baǵdarlanǵan aldyńǵy qatarly tájirıbeler men saıasat máselelerine arnalǵan. Bul semınar elimizdiń memlekettik organdarynyń EYDU-nyń qoldanystaǵy standarttary men ustanymdaryna ıkemdelýine múmkindik beredi», - dedi akademııanyń vıtse-rektory Sholpan Esimova.
Semınar barysynda memlekettik saıasat salasyndaǵy táýekeldi taldaý, baǵalaý jáne basqarý boıynsha ozyq praktıka men tájirıbe qarastyrylýda. Atalǵan is-sharaǵa EYDU Hatshylyǵynyń ókilderi, EYDU-ǵa múshe elder úkimetteriniń, atap aıtqanda Kanada, Italııa, Frantsııa, Túrkııa, Germanııa, Nıderlandy, Chılıdiń jetekshi sarapshylary, ortalyq memlekettik organdar qurylymdarynyń basshylary, sondaı-aq Nazarbaev Ýnıversıteti men Akademııa qurylymdarynyń basshylary qatysýda. Semınar barysynda qatysýshylar Qazaqstannyń erekshelikteri men jaǵdaılaryn eskere otyryp, memlekettik saıasatty taldaý men baǵalaýdyń, memlekettik basqarýdaǵy táýekel-menedjmenttiń negizgi aspektilerin talqylaıdy.
