EYDU óz standarttaryn Astana aımaqtyq haby arqyly taratýdy kózdeıdi
ASTANA. QazAqparat - Ekonomıkalyq yntymaqtastyq jáne damý uıymy memlekettik qyzmet salasyndaǵy Astana aımaqtyq haby arqyly óz standarttary men prıntsıpterin taratýdy kózdeıdi. Bul týraly habtyń basqarýshy komıteti habarlaýda.
«Ekonomıkalyq yntymaqtastyq jáne damý uıymynda (EDYU) memlekettik qyzmet salasyndaǵy Astana aımaqtyq habynyń basqarýshy komıtetiniń basshysy Álıhan Baımenov pen EDYU memlekettik basqarý jáne aımaqtyq damý boıynsha dırektory Rolf Alter arasynda kezdesý ótti», - delingen baspasóz habarlamasynda.
Kezdesý barysynda Rolf Alter memlekettik qyzmet salasyndaǵy Astana aımaqtyq habymen aradaǵy seriktestiktiń mańyzdylyǵyn atap ótti jáne hab arqyly EDYU-nyń osy saladaǵy standarttary men prıntsıpterin taratý boıynsha birlesken sharalardy ótkizýge daıyn ekendikterin málim etti.
Ol sonymen qatar Habtyń zertteý qyzmetin joǵary baǵalady.
Álıhan Baımenov óz kezeginde, aımaqtyq habqa múshe elderdiń memlekettik basqarýyna EDYU-nyń qosqan úlesin joǵary baǵalady.
Sapar barysynda Á. Baımenov, budan bólek EDYU Tıimdi ınstıtýttar platformasy hatshylyǵynyń (EIP) basshysy Lıza Ýılıamspen júzdesti. Ýılıams habqa múshe memleketterdiń arasynda tájirıbe almasý jobalaryn asqan sheberliktiń úlgisi dep tanydy jáne memlekettik qyzmet kórsetý salasyndaǵy Habtyń tájirıbeli mamandarynyń Alıansy jóninde sóz qozǵady. EIP basshysy, sonymen birge, Alıans jumysynyń modelin ary qaraı taratýǵa jáne osyǵan uqsas etıka, memlekettik satyp alý jáne transparenttilik máseleleri boıynsha Alıans qurýdy usyndy. Onymen qosa, ol Hab ókilin EIP keńesiniń músheligine delegat etý jóninde usynys bildirdi.
