EYDU Qazaqstanǵa arnalǵan eldik baǵdarlama ázirledi
ASTANA. QazAqparat - Ekonomıkalyq yntymaqtastyq jáne damý uıymy Qazaqstanǵa arnalǵan eldik baǵdarlama ázirledi. Bul týraly búgin QR Ekonomıka jáne bıýdjettik josparlaý mınıstri Erbolat Dosaev málim etti.
«Búgingi kezdesýdiń basty taqyryby Qazaqstan Respýblıkasy men Ekonomıkalyq yntymaqtastyq jáne damý uıymy arasyndaǵy 2015-2016 jyldarǵa arnalǵan yntymaqtastyqtyń eldik baǵdarlamasy jobasyn talqylaý bolyp tabylady», - dedi ol.
Onyń atap ótýinshe, eldik baǵdarlama EYDU-nyń uıymnyń quramyna kirmeıtin eldermen ózara is qımyldarynyń jańa quraly bolyp tabylady. Aǵymdaǵy jyl bul baǵdarlama alǵash ret ári tórt memleketke ǵana daıyndalyp otyr.
«Qazirgi ýaqytta Eldik baǵdarlama jobasy memlekettik basqarý, fıskaldy saıasat, básekege qabilettilik, iskerlik ahýaldy jaqsartý jáne turaqty damý syndy salalardaǵy birlesken bastamalardy júzege asyrýdy boljaıdy. Bul tizim keńeıtile túsýi múmkin», - dedi mınıstr.
E.Dosaevtyń aıtýynsha, baǵdarlamanyń naqty mazmuny jyl sońyna deıin kelisilip, qol qoıylatyn bolady.
