EYDU Qazaqstandaǵy bıýdjettik retteý salasyna baǵa bermek

ASTANA. QazAqparat - 23-26 qańtar aralyǵynda «Qazaqstan Respýblıkasynyń bıýdjetik júıesine sholý: Bıýdjettik retteýdegi úzdik halyqaralyq tájirıbeni engizý jónindegi strategııa» jobasynyń aıasynda Qazaqstanda EYDU mıssııasy ótkizildi, dep habarlaıdy «QazAqparat» HAA.

Mıssııa barysynda Astana qalasynda Ulttyq ekonomıka, Qarjy, Eńbek jáne halyqty áleýmettik qorǵaý, Densaýlyq saqtaý mınıstrlikteriniń, Astana qalasy ákimdiginiń, Parlamenttiń, Respýblıkalyq bıýdjettiń oryndalýyn baqylaý jónindegi esep komıtetiniń, sondaı-aq úkimettik emes uıymdardyń ókilderimen kezdesýler ótkizildi.

Mıssııa aıasynda 25 qańtarda EYDU sarapshylary semınar ótkizip, onda EYDU-nyń bıýdjettik josparlaý boıynsha ustanymdary, bıýdjettik úderisterdi júrgizý boıynsha ozyq halyqaralyq tájirıbe, sondaı-aq bıýdjettik baǵdarlamalardy baǵalaý ádisteri qaraldy.

Joba qorytyndysy boıynsha bıýdjettik basqarý salasyndaǵy úzdik halyqaralyq tájirıbeni qoldaný jónindegi usynystar arqyly EYDU-nyń ustanymdaryn eskerý jolymen Qazaqstandaǵy bıýdjettik retteý salasyna baǵa berilmek.