Exxon Mobil óz qyzmetkerlerin Iraktan evakýatsııalaýda
ASTANA. QazAqparat - Exxon Mobil jáne BP syndy álemniń iri munaı kompanııalary Iraktan óz qyzmetkerlerin evakýatsııalaýda. Buǵan atalǵan eldiń qarýly kúshteri men ıslamısterdiń arasyndaǵy qaqtyǵystar sebep boldy, dep habarlaıdy neftegaz.ru.
Joǵaryda atalǵan eki kompanııaǵa qosa, Royal Dutch Shel kompanıasynyń Iaraktaǵy bólimshesi de óz jumysshylaryn qaýipsiz jerge kóshirý josparyn ázirlep qoıǵanyn aıtýda. Qalǵan munaı kompanııalary eldegi ahýal nasharlaı bastaǵan kezde ǵana kóshýdi oılastyryp otyr. Ázirge jaǵdaı bir qalypty, qaqtyǵystar Iraktan munaı óndirý men eksportqa áser etken joq. Munaı baǵasy da turaqty. Atap aıtqanda, 19 maýsymdaǵy jaǵdaı boıynsha 1 barrel munaıdyń quny 114 AQSh dollaryn qurady. Buǵan bir jaǵynan Batys Kýrna jáne Rýmaıla sekildi basty munaı ken oryndary ıslamısterdiń baqylaýyndaǵy aýmaqtardan alys ornylasqany sebep bolyp otyr.
