EXPO iskerlik ortalyǵy – qoǵamdyq aýmaq jáne elordanyń qalalyq júıesiniń mańyzdy bóligi
Sońǵy úsh jylda «QazExpoCongress» ulttyq kompanııasy ımıdjdik jobany transformatsııalap, bilim berý jáne qarjy uıymdaryn shoǵyrlandyra aldy.
Memleket basshysynyń tapsyrmasyn oryndaý úshin EXPO aýmaǵyn qoǵamdyq keńistik retinde damytýǵa erekshe kóńil bólinedi. Máselen, EXPO iskerlik ortalyǵynyń aýmaǵynda jalpy aýdany 530 myń sharshy metrden astam 16 ǵımarat ornalasqan. Olar 100% toltyrylǵan, al rezıdentter sany 15 myń adamnan asady.
Sondaı-aq, bıznes sýbektileri úshin «A» sanatty bıznes ortalyqtardyń álemdik standarttaryna sáıkes keletin Bıznes ortalyǵy jumys isteıdi.
EXPO aýmaǵynyń negizgi nysandarynyń biri – Kongress ortalyǵy. Onda kontsertterden bastap, joǵary deńgeıdegi resmı kezdesýlerge deıingi is-sharalar ótkiziledi. Bıyl 50-den astam is-shara josparlanǵan, onyń ishinde qazaqstandyq jas jáne aty shyqqan oryndaýshylar: Dequine, Mıras Júginisov, sondaı-aq sheteldik estrada juldyzdarynyń: Lara Fabıan, Jony, Evgenıı Chebatkov, MakSım jáne t.b. kontsertteri bar.
2020 jyly Ortalyq Azııadaǵy biregeı iri kórme alańyna aınalǵan halyqaralyq kórme ortalyǵy ashyldy. Kórme ortalyǵy UFI dúnıejúzilik kórme ındýstrııasy qaýymdastyǵymen sertıfıkattalǵan. Kórme alańynyń júktemesi – jylyna 310 kún.
Bıyl munda 35-ke jýyq is-shara ótkizý josparlanǵan. Mysaly, Automechanika Astana 2023, Eurasian Book Fair VI eýrazııalyq halyqaralyq kitap kórmesi, Kazakhstan Industry Week óńdeý ónerkásibiniń III halyqaralyq kórmesi jáne t.b.
Sondaı-aq, EXPO aýmaǵynda jyl saıyn maýsym aıynda jazǵy sahna jumysyn bastaıdy. Dál osy sahnada Ninety One toby, Djeıran, «Raim & Artur» dýeti, DJ Smash, DJ Timoffey, Erke Esmahan, Moldanazar, Qaırat Nurtas, Say Mo, Abdr., halyqaralyq zamanaýı etnıkalyq mýzyka festıvali The Spirit of Eurasia, The Limba, «Format» toby, Aıqyn, Cover Fest (Batyrhan Shúkenovti eske alý keshi), rok festıvali, ORDA FM gala-kontserti, Cosplay Festival, etnofestıval jáne t.b. estrada ártisteriniń open air kontsertteri ótti.
Sonymen qatar, keshen aýmaǵynda elorda turǵyndary men qonaqtaryna «Line Brew», «Kakao Dak», «Harrats Pub», «Prime Golf» golf sımýlıatory qyzmetteri usynylady. Jaqyn arada «Bronx» fıtnes-klýbynyń, «Coffee boom» kofehanasynyń ashylýy josparlanýda. Kelýshilerdiń yńǵaılyǵy úshin kólik jýý orny bar 3 myń avtokólikke arnalǵan táýlik boıy jumys isteıtin jerasty parkıngi qarastyrylǵanyn atap ótken jón.
