Expo 2020 Dubai: Qazaqstandyq ǵalymdar «myńjyldyqtyń ınformatıkalyq esebin» shyǵarýdyń tehnologııasyn tanystyrdy
Bul týraly QR Bilim jáne ǵylym mınıstrliginiń baspasóz qzymeti málim etti.
«Joba avtorlary atalǵan algorıtmniń tıimdiligin COVID-19 vırýsyn anyqtaý esebine qoldanyp tekserdi. Qazaqstandyq ǵalymdar sheshimi tabylmaǵan 7 «myńjyldyq esebiniń» ekinshisin - P jáne NP klastarynyń teńdeýi arqyly sheshýge bolady degen nusqa usynyp otyr. Bul zamanaýı ınformatıkanyń eń kúrdeli máselesi jáne onyń sheshimi kez-kelgen derekterdi kompıýterlik óńdeý protsesteriniń prıntsıpteri men jyldamdyǵyn túbegeıli ózgerte alady», - deıdi
Mınıstlik usynǵan derek boıynsha, bul ǵylymı jańalyq qazaqstandyq ǵalym, tehnıka ǵylymdarynyń doktory, Halyqaralyq aqparattyq tehnologııalar ýnıversıtetiniń professory, «Býran» ǵarysh kemesiniń borttyq basqarýynyń avtomattandyrylǵan júıesin ázirleýshilerdiń biri Baqtygereı Sınchevtiń basshylyǵymen jasalǵan. Onyń qasynda baǵalaý jáne basqarý salasyndaǵy maman, New Aeon IT-kompanııasynyń dırektory Janna Aqjanova men Baqtygereı Sınchevtiń uly, Aqparattyq tehnologııalar salasyndaǵy sarapshy Asqar Sınchev bar.
«Eger qazaqstandyq ǵalymdardyń sheshimi álemde jappaı qoldanysqa ıe bolsa, ınternet arqyly alynatyn kez kelgen qyzmetter bizdiń árqaısymyz úshin jańa taraptan ashylady. Mysaly, onlaın-brondaý barysynda tehnologııa tutynýshylar úshin múmkindikterdiń keń tańdaýyn qamtamasyz etedi. Sonymen birge baǵanyń tómendeýin, yńǵaıly marshrýttardy jáne ushýdyń barynsha qolaıly uzaqtyǵyn da qamtamasyz etedi. Osylaısha, tipti áýe bıletterin izdeýdiń qarapaıym qosymshasy barlyq múmkin nusqalardy óńdeý jyldamdaıdy», - deıdi joba avtorlarynyń biri, New Aeon kompanııasynyń bas dırektory Janna Aqjanova.
Vedomstvonyń aqparaty boıynsha, álemdik onkologııa ınstıtýttarynyń biriniń atalǵan algorıtmdi qoldaný týraly kelisim jasaǵan.
Algorıtmniń tusaýkeseri Expo 2020 Dubai sheńberinde QR Ulttyq pavılonynyń alańynda ótkenin aıta ketý kerek.
