«Expo-2017 qaı elde ótedi?»- respýblıkalyq basylymdarǵa sholý

ASTANA. 21 qarasha. QazAqparat - Qazaq aqparat agenttigi respýblıkalyq basylymdarda 21 qarasha, sársenbi kúni shyqqan ózekti materıaldarǵa sholýdy usynady.

***

«Ústimizdegi jylǵy 1 jeltoqsanda Qazaqstanda birinshi ret Tuńǵysh Prezıdent kúni atalyp ótkeli otyr. Bul bizdiń elimiz úshin jańa mereke bolyp sanalǵanymen, álemdik qaýymdastyq arasynda burynnan bar. Aıtalyq, AQSh-ta Prezıdent kúni 1880 jyldan beri merekelenip keledi. Biz búgin toılana bastaǵanyna ǵa­syr­dan astam ýaqyt bolǵan Amerıka Qu­rama Shtattaryndaǵy úrdistiń she­ji­re­sine toqtalyp ótpekpiz»,-dep jazady «Egemen Qazaqstan» basylymy búgingi sanynda. Atalǵan mereke jaıyndaǵy maqala «Prezıdent kúni» degen taqyryppen berilip otyr.

 

Osy basylymda «Expo-2017 qaı elde ótedi?» atty maqala jarııalandy. Báseke basynda - Belgııa men Qazaqstan.  Sonymen, EXPO halyqaralyq kórmesi 2017 jyly bizdiń As­tanada óte me, joq pa? Bul suraqtyń naqty jaýaby anyq­talar kún de taıap qaldy. Ol erteń Parıjdegi Halyqaralyq kórmeler bıýrosynyń bas  shtab-páterinde ótetin  jıynda HKB-niń 157 múshe eliniń daýys berýimen belgili bolady. «Qaı nárseniń de sheshýshi sátinde júregiń lúpildep, qo­bal­jý kúı keshetiniń bar. Keshe Parıjde ótken EXPO-2017 halyq­ara­lyq kórmesiniń sońǵy qory­tyn­dy baspasóz máslıhatynda da qazaqstandyq jýrnalıster osy jaǵ­daıdy bastan keshirdi. EXPO-2017 kórmesine qatysýǵa bizben básekelestik tanytyp otyr­ǵan Belgııanyń jýrnalısteri jáne Eýropa elderiniń bir top baspasóz qyzmetkerleriniń qatysýymen ótken bul qory­tyn­dy jıynda bizdiń basty maq­sa­ty­myz - qarsylas tarapqa «qa­ǵyt­pa» suraqtar qoıyp, minberdegi belgııalyqtardyń mysyn basyp, meselin qaıtarý, kerisinshe, eli­mizdiń jeńiske laıyq ekendigin dáleldep, Astananyń abyroıyn asqaqtatýǵa tıtteı de bolsa úles qosý bolatyn. Sóıtip, sóz jarys, pikir almasýlar bastalyp ta ketti»,-dep jazady basylym tilshisi. Atalǵan jarssóz barysynda kóterilgen máseleler jaıynda tolyq bilgińiz kelse «Egemen Qazaqstan» gazetin alyp qarańyz.

 
***

«Aıqyn» basylymynyń jazýynsha, The Times habaryna qaraǵanda, ulty ózbek mıllıarder Alısher Ýsmanov jeke ómirbaıan jolyna ózgeris engizý úshin brıtandyq PR-kompanııasyn jaldaǵan. Arǵy tegi ala taqııaly aǵaıyndar­ǵa jatatyn, búginde reseılik qaltaly aza­mattar qatarynan myqtap turyp oryn alǵan Alısher-aka kezindegi keı­bir jaǵdaılardy «jumsartýdy» oılastyr­ǵan kórinedi. «Mıllıarder olıgarh ın­ternettegi barlyq qupııalaryn tazalaý maqsatynda aldyńǵy qatardaǵy pıar-kompanııany jaldaǵan. Onyń ishinde Ózbekstandaǵy qylmysy da bar. Alı­sher Ýsmanov Batystyń senimine kirý úshin burynǵy qylmystaryn jasyryp, qazirgi jaqsylyǵyn asyrýǵa shyn­dap kirisken syńaıly» deıdi buqaralyq aqparat quraldary. Olıgarh Ýsmanov bıyl Sunday TimesRich List-tiń baǵalaýynsha, ekinshi orynda tur. Naqtyraq aıtsaq, onyń bar baılyǵy 12 mıllıard fýnt ster­lıng­ten asqan. Basylymnyń jazýynsha, mıllıar­derge kórsetiletin qyzmet ońaı bolmaı tur. Bul sharýany dóńgeletip jat­qan RLM Finsbury PR-kompanııasy Ulybrıtanııadaǵy eń tanymal maman­dardan quralǵan. Bul materıal «Baılar da báleden aýlaq júredi» degen taqyryppen basyldy.

 

 Osy gazettegi «Polıtsııa júrgizýshi kýáligin birden almaýy tıis» atty aqparattta Іshki ister mınıstrligi Jol komıtetiniń bastyǵy Berik Beısenqulovtyń keshe elordada ótken onlaın-konferentsııada  kótergen máseleleri jazylyp otyr.  Elimizdiń Bas jol polı­tseıiniń aıtýynsha, qoldany­lyp júrgen zańǵa sáıkes jol erejesin buzǵan júr­gi­zýshiniń kýáligi eger álgi júr­gizýshi ekinshi qaıtara jol erejesin buzǵan jaǵdaıda ǵa­na alynýy tıis.
- Buǵan qosa, jol polı­tseıleri jol qaýipsizdigi ere­jesin buzǵan júrgizýshi­niń kýáligin elimizdiń Ákimshi­lik quqyq kodeksiniń 541-baby­na sáıkes alýǵa quqyly. Al júrgizýshini kýáliginen aıy­rý nemese aıyrmaý másele­sin sheshý - isti qaraǵan ákimshi­lik sottyń quzyrynda. Sondaı-aq mundaı norma ústimizde­gi jyly 9 sáýirde elimizdiń Joǵarǵy soty qabyldaǵan «Óndiristi qamtamasyz etý sharalaryn qoldaný jáne basqa da ákimshilik quqyq bu­zý jónindegi zańdylyqtar­dy qoldaný máseleleri týraly» dep atalatyn normatıvtik qaýlynyń 16-tarmaǵynda qarastyrylǵan, - dep túsin­dirdi ІІM Jol komıtetiniń bastyǵy Berik Beısenqulov.  Sondaı-aq elimizdiń Bas jol polıtseıi qandaıda bir oqıǵa kezinde jol polıtseı­lerimen bolǵan jaıtty kólik júrgizýshisiniń beınetaspa­ǵa túsirýine eshqandaı shek qoıylmaıtynyn jáne mun­daı beınejazbalardy ákim­shilik isti qaraý kezinde qol­daný nemese qoldanbaý sot organdarynyń quzyrynda ekendigin de jasyrmady.

 
***

  «Alash aınasy» basylymyndaǵy «Dat! aıdarynyń qonaǵy QR Qorǵanys mınıstri, Qazaqstan fýtbol federatsııasynyń prezıdenti Ádilbek Jaqsybekov: «Qorǵanys mınıstrligindegi jumysymdy emes, fýtbol úshin kóp synap-mineıdi» degen taqyryppen búgingi qazaq  fýtbolynyń jaı kúıin sóz etedi.

 
Osy basylymda Norvegııanyń ádilet mınıstrliginiń bas sarapshysy, jazalardy oryndaý qyzmetiniń ókili Sıýzanne Fıv óz elindegi túrme júıesi men Qazaqstandaǵy ahýaldy salystyra baıandaıdy. «Túrme qoǵamdy emes, qoǵam túrmeni tárbıeleıdi» taqyryby qoǵamnyń júgin kóterip tur.