Exit poll: Halyqtyń 72,3%-y AES qurylysyn qoldaǵan
ASTANA. KAZINFORM – Qoǵamdyq saıasat ınstıtýty saılaýshylar arasynda saýalnama júrgizdi. Exit poll nátıjesinde qatysýshylardyń 72,3 paıyzy AES qurylysyn qoldaǵan.
«Qoǵamdyq saıasat ınstıtýty barlyq óńirde ekzıt-pýl ótkizdi. Saýalnama barysynda 600-jen astam ıntervıýer men sýpervaızerler jumys atqardy. Ekzıt-pýlǵa 44 160 azamat qatysty, saýalnama 300 daýys berý ýchaskesin qamtydy», - dep atap ótti Qoǵamdyq saıasat ınstıtýtynyń sarapshysy Medet Ómirzaqov «Astana» telearnasynyń tikeleı efırinde.
Onyń aıtýynsha, saýalnamany Exit poll ádistemesi boıynsha arnaıy oqytylǵan kásibı ıntervıýerler júrgizgen.
«Saýalnama nátıjesinde qatysýshylardyń 72,3 paıyzy Qazaqstan AES qurysyna kelisemin dep daýys bergen, al qarama-qarsy pikirdi 27,2 paıyzy bildirgen», - dedi M.Ómirzaqov.
Eske salaıyq, búgin qazaqstandyqtar atom elektr stantsııasyn salý máselesi boıynsha referendýmda daýys berdi.
6 qazanda el boıynsha 10 249 referendým ýchaskesinde daýys berý bastaldy.
1 shildedegi jaǵdaı boıynsha el kóleminde 12 176 968 adam referendýmda daýys berýge haqyly.
Aıta keteıik, 20:00-degi jaǵdaı boıynsha 7 820 918 azamat bıýlleten aldy. Bul tizimge engizilgen azamattardyń 63,87 paıyzy.
Eske salaıyq, búgin qazaqstandyqtar atom elektr stantsııasyn salý máselesi boıynsha referendýmda daýys berdi.
6 qazanda el boıynsha 10 249 referendým ýchaskesinde daýys berý bastaldy.
1 shildedegi jaǵdaı boıynsha el kóleminde 12 176 968 adam referendýmda daýys berýge haqyly.
Aıta keteıik, 20:00-degi jaǵdaı boıynsha 7 820 918 azamat bıýlleten aldy. Bul tizimge engizilgen azamattardyń 63,87 paıyzy.
