«Exclusive» jýrnaly 7 jyldyq zertteýden keıin eń bedeldi kompanııalardyń reıtıngisin jasady
ALMATY. 5 qańtar. QazAqparat /Erlik Erjanuly/ - «Exclusive» sholý-taldaý jýrnaly 7 jyldyq zertteýden keıin eń bedeldi kompanııalardyń reıtıngisin jasap shyǵardy. Úzdikter kóshin qazaqstandyq kompanııalar arasynda «Qazkommertsbank» bastap tur.
«Qazkommertsbank» 2010 jylǵy qarjy daǵdarysy kezinde óz pozıtsııasyn 2 tarmaqqa ǵana tómendetti. Ekinshi orynda turǵan - «Qazaqtelekom» AQ 2004 jylmen salystyrǵanda telekommýnıkatsııalyq tehnologııalardy engizý men damytýda aıtarlyqtaı ilgerileýshilike qol jetkizdi. Al bólshek reteıl salasynyń úzdigi - «Ramstore» odan keıingi satyda tur. Tórtinshi orynǵa qurylys naryǵynda kóshbasshyǵa aınalǵan - «Bazıs-A» kompanııasy ornalasty. Kompanııa daǵdarys kezinde reıtıngke enbeı qalsa-daǵy, qurylys jumystarynyń sapasy men klıentteriniń senimi ony úzdikter qataryndaǵy óz ornyn saqtap qalýǵa yqpal etti. Ozyq bestikti túıindeýshi - «GSM-Kazakhstan» uıaly baılanys operatory. Baılanystyń jańa standartyn engizip, tarıfterdi tómendetken bul kompanııa kóptegen ulttyq jobalarǵa demeýshi boldy. Solardyń arasynda Qazaqstanda tuńǵysh ret ótken 7-Qysqy Azııa oıyndary bar.
