«Evrovıdenıe» konkýrsynyń fınalısteri anyqtaldy
ASTANA. Mamyrdyń 28-i. QazAqparat - Norvegııanyń elordasy Oslo qalasynda búgin túnde ótken «Evrovıdenıe 2010» konkýrsynyń ekinshi jartylaı fınalynyń qorytyndysy boıynsha kórermender men qazylar alqasy án baıqaýynyń sońǵy fınalısterin anyqtady,
dep habarlaıdy «RIA «Novostı» agenttigi.
Ekinshi jartylaı fınalǵa 17 eldiń ókili qatysyp, kórermenderdiń daýys berýi men kásipqoı qazylar alqasynyń úkimi boıynsha fınalǵa 10 konkýrsant shyqty. Olardyń qatarynda Ázirbaıjan ánshisi Safýra, armenııalyq Eva Rývas, ızraıldik ánshi Harel Skaat, danııalyq Shanı jáne Tomas Nevergrınniń juby, ırlandııalyq ánshi Nıam Kavana bar.
Fınalǵa shyqqandardyń qatarynda Grýzııa, Ýkraına, Túrkııa, Kıpr, Rýmynııa ókilderi de bar.
Al sársenbige qaraǵan túni ótken birinshi jartylaı fınaldyń qorytyndysy boıynsha fınalǵa Reseı, Bosnııa jáne Gertsogovına, Moldova, Grekııa, Portýgalııa, Belarýs, Serbııa, Belgııa, Albanııa, Islandııa ókilderi shyqty.
Sondaı-aq, qorytyndy dýmanda «úlken tórttiktiń» - Ispanııa, Ulybrıtanııa, Frantsııa jáne Germanııanyń jáne ótken jylǵy konkýrstyń jeńimpazy jáne konkýrsty qabyldaýshy tarap retinde Norvegııa ókilderi qatysady.
Osylaısha, senbiden jeksenbige qaraǵan túni ótetin «Evrovıdenıe» konkýrsynyń fınaldyq kontsertinde 25 ánshi óner kórsetedi.
