«Evrovıdenıe» balalar án baıqaýynda ıtalıandyq óren jeńiske jetti
ASTANA. QazAqparat - Italıandyq jas oryndaýshy Vınchentso Kanello «Evrovıdenıe» balalar baıqaýynda jeńiske jetti. Shyǵarmashylyq jarystyń aqtyq syny senbi kúni keshke Maltada ótti.
Vınchentso jeke oryndaýda qatysqan 16 qatysýshynyń arasyndaǵy jalǵyz er bala boldy. Ol «Alǵashqy úlken mahabbat» ánimen kópshilik kóńilinen shyqty. Ekinshi oryn Bolgarııadan kelgen trıoǵa buıyrdy, úshinshi orynǵa armenııalyq oryndaýshy ıe boldy. Tórtinshi orynda Malta atynan qatysqan qyz bala aldy. Aıta keteıik, «Evrovıdenıe» eýropalyq án konkýrsynyń balalarǵa arnalǵan baıqaýy osymen 12-shi ret uıymdastyryldy. Maltada bul konkýrs birinshi ret ótti, Italııa eliniń ókili de oǵan alǵash ret qatysty, dep habarlaıdy TASS.
