«Evrovıdenıe 2026»: Birinshi jartylaı fınalǵa qaı elder ótti

Baıqaýǵa 15 el qatysty: Belgııa, Grekııa, Grýzııa, Izraıl, Lıtva, Moldova, Polsha, Portýgalııa, San-Marıno, Serbııa, Fınlıandııa, Horvatııa, Chernogorııa, Shvetsııa jáne Estonııa.

Fınalǵa kelesi elder ótti: 

• Belgııa;

* Grekııa;

* Izraıl;

* Lıtva;

• Moldova;

• Polsha;

• Serbııa;

• Fınlıandııa;

• Horvatııa;

• Shvetsııa.

Fınalǵa qatysýshylar qoǵamdyq daýys berý jáne qazylar alqasynyń baǵalaýy negizinde tańdaldy.

2025 jyly daýys berý kezindegi syn men zańsyzdyqtarǵa qatysty aıyptaýlardan keıin bıyl protsedýra ózgertildi.

Ózgerister arasynda – ruqsat etilgen daýystar sanyn 20-dan 10-ǵa deıin azaıtý, sondaı-aq bank kartasyndaǵy málimetti paıdalanyp, onlaın daýys berýdi mindetti túrde rastaý.

Uıymdastyrýshylar atap ótkendeı, bul daýystyń shynaıylyǵyn jáne olardyń shyǵý tegin tekserýge múmkindik beredi.

Izraıldiń qatysýyna qarsy shyǵý

BBC jazýynsha,  aldyńǵy birneshe baıqaýlarda sııaqty Gaza sektoryndaǵy soǵysqa baılanysty Izraıldiń «Evrovıdenıe» án baıqaýyna qatysýyna qarsy narazylyqtar bıyl da ótip jatyr. 28 jastaǵy Bettannyń óner kórsetýi kezinde keıbir kórermender ysqyryp, Izraılge qarsy urandar aıqaılaı bastady. Osy arada basqalary onyń atyn atap, qoldaý bildirgen.

Ekinshi jartylaı fınalǵa qatysýshylar

Baıqaýdyń qalǵan on fınalısi 14 mamyr keshinde ótetin ekinshi jartylaı fınaldan keıin belgili bolady.

Ekinshi jartylaı fınalǵa Aýstralııa, Ázerbaıjan, Albanııa, Armenııa, Bolgarııa, Danııa, Kıpr, Latvııa, Lıýksembýrg, Malta, Norvegııa, Rýmynııa, Ýkraına, Chehııa jáne Shveıtsarııa qatysady.

Bul rette birneshe el dástúrli túrde fınalǵa tikeleı joldama alady: bul Eýropalyq habar taratý odaǵynyń eń iri qarjylyq seriktesteri Ulybrıtanııa, Germanııa, Italııa jáne Frantsııa. Aldyńǵy baıqaýdyń jeńimpazy da avtomatty túrde fınalǵa joldama alady. Bıyl bul quqyqqa Aýstrııa ıe boldy.

Osylaısha 16 mamyrdaǵy fınalda bas júlde úshin 25 elden kelgen qatysýshylar baq synaıdy.

Osyǵan deıin «Evrovıdenıe» daýys berý tártibin ózgertkenin habarladyq.