«Evrovıdenıe-2026» baıqaýy Venada ótedi
ASTANA. KAZINFORM — Avstrııanyń teleradıo kompanııasy ORF 2026 jyly ótetin «Evrovıdenıe» halyqaralyq án baıqaýyn ótkizý orny retinde Vena qalasyn tańdady, dep jazdy DW.
Bıylǵy baıqaýda Avstrııalyq ánshi JJ (Iohannes Pıch) jeńiske jetken bolatyn. Osyǵan baılanysty dástúr boıynsha kelesi baıqaýdy jeńimpaz el uıymdastyrady. Vena «Evrovıdenıe» baıqaýyn úshinshi ret qabyldaıdy — buǵan deıin ol mundaı qurmetke 1967 jáne 2015 jyldary ıe bolǵan.
Insbrýkpen básekede Vena jeńiske jetti
20 tamyz kúni, sársenbide ORF resmı túrde Vena tańdalǵanyn habarlady. Vena bul mártebe úshin Insbrýkpen jarysqan bolatyn.
ORF bas dırektory Roland Vaısmann bylaı dedi:
— Vena da, Insbrýk te baıqaýdy ótkizý boıynsha áserli tujyrymdamalar usyndy. Alaıda muqııat taldaý men qazylar alqasynyń biraýyzdan qabyldaǵan sheshimi negizinde biz Vena usynysyn tańdadyq — ol tek ınfraqurylym men logıstıka turǵysynan ǵana emes, sonymen qatar ekonomıkalyq jaǵynan da eń tartymdy, — dedi ORF bas dırektory Roland Vaısmann.
Baıqaý kestesi
-
Jartylaı fınaldar: 12 jáne 14 mamyr 2026
-
Fınal: 16 mamyr 2026
-
Ótetin oryn: Wiener Stadthalle arenasy (Vena)
Avstrııanyń jeńisi jáne JJ-diń tosyn tabysy
2025 jyly Shveıtsarııanyń Bazel qalasynda ótken baıqaýda avstrııalyq oryndaýshy JJ «Wasted Love» ánimen jeńiske jetken bolatyn. 24 jastaǵy ánshiniń bul jeńisi kútpegen jańalyq boldy, óıtkeni jarys barysynda Shvetsııa atynan shyqqan fındik KAJ trıosy basty favorıt sanalyp kelgen edi.
Venanyń «Evrovıdenıe» tarıhy
-
1967 jyly Venada baıqaý Ýdo ıÝrgenstiń jeńisi arqasynda ótti.
-
2015 jyly baıqaý Tomas Noıvırttiń (Konchıta Výrst) jeńisinen keıin qaıta uıymdastyryldy.
-
Endi 2026 jyly Vena «Evrovıdenıeni» úshinshi ret qabyldamaq.
Al «Evrovıdenıe-2025» baıqaýyn Avstrııa jeńip alǵan edi.