«Evrovıdenıe-2022» baıqaýynda kórermen sanynyń jańa rekordy tirkeldi

BRıÝSSELЬ. QazAqparat – Seısenbi kúni Italııanyń Týrın qalasyndaǵy «Palaolimpico» arenasynda «Evrovıdenıe-2022» halyqaralyq án baıqaýynyń resmı ashylý saltanaty ótti, dep habarlaıdy QazAqparat Italııanyń RAI telearnasyna silteme jasap.

Keshe án baıqaýynyń birinshi jartylaı fınalyn RAI arnasynan 5 507 000 kórermen tamashalaǵan. Atalǵan kórsetkish ıtalıandyq telekórermenderdiń jalpy aýdıtorııasynyń 27%-yn quraıdy. Bul – ıtalıandyq qoǵamdyq telearnadaǵy «Evrovıdenıe» habarlarynda buryn-sońdy bolmaǵan nátıje.

Fınalǵa «Stefania» ánimen ýkraınalyq «Kalush Band» toby shyqty. Úzdik ondyqqa Frantsııa, Germanııa, Ispanııa, Ulybrıtanııa jáne Italııanyń shyǵarmashylyq ujymdary men ártisteri endi. Birinshi jartylaı fınalda kórermender barlyǵy 16 kompozııatsııany tyńdady.

Bul týraly telearnanyń bas dırektory Karlo Fýortes: «RAI úshin Italııadaǵy «Evrovıdenıe» án baıqaýyn ótkizý úlken mártebe. Bul – jastarǵa baǵyttalǵan eýropalyq úlken shara. Bizdiń telearna úshin, el úshin «Evrovıdenıe-2022» baıqaýy erekshe mańyzǵa ıe», – dedi.