«Evrovıdenıe-2016» baıqaýynyń ótetin merzimi belgili boldy
ASTANA. QazAqparat - «Evrovıdenıe-2016» baıqaýy shved ánshi Mons Selmerlevtiń jeńisimen aıaqtala salysymen-aq shoýdyń uıymdastyrýshylary kelesi jyly ótetin baıqaýdyń merzimin anyqtady, dep habarlanǵan baıqaýdyń resmı saıtynda.
Baıqaýdyń jartylaı fınaldary 2016 jyldyń 10 jáne 12 mamyrynda, al aqtyq syny 14 mamyrda ótedi degen aldyn ala baılam jasaldy.
Shvetsııa Eýropa boıynsha eń iri baıqaýdy ótkizetin jerdi talqyǵa salyp jatyr. Sahnany tańdaý boıynsha alǵashqy kelissózder júrgizilip te úlgerdi.
2016 jylǵy Evrovıdenıe baıqaýyna qatysatyn elder tizimi bıylǵy jyldyń sońynda - kelesi jyldyń basynda atalady. Bıletteri de osy merzim aralyǵynda satylymǵa túsedi. Al qatysýshy elder óz ókilderin 2016 jyldyń naýryz aıynyń ortasyna deıin usynýy tıis.
