«Evrovıdenıe-2015» baıqaýynyń resmı urany aıqyndaldy
ASTANA. QazAqparat - «Evrovıdenıe-2015» halyqaralyq baıqaýynyń resmı urany aıqyndaldy, dep habarlaıdy Trend konkýrstyń resmı saıtyna silteme jasaı otyryp.
Sonymen, «Evrovıdenıe-2015» baıqaýynyń resmı urany - "Building Bridges" ("Kópirlerdi jalǵaý").
Aıta keteıik, «Evrovıdenıe-2015» mereıtoılyq 60-shy halyqaralyq baıqaýy Avstrııa astanasy Vena qalasynda ótedi. Konkýrstyń jartylaı fınaldary 2015 jyldyń 19 jáne 21 mamyrynda, al aqtyq syny 23 mamyrda ótedi. Oǵan qatysatyn elderdiń tizimi kelesi jyldyń qańtar aıynyń basynda jarııalanady.
Esterińizge sala keteıik, Danııa astanasy Kopengagende ótken «Evrovıdenıe-2014» ánshiler baıqaýynda avstrııalyq Konchıta Výrst «Rise like a Phoenix» ánimen bas júldeni ıelengen edi.
